Ouergids

Omsendbriewe

Verskeie omsendbriewe word aan ouers gedurende die jaar uitgestuur wat noodsaaklike inligting bevat. Teken asseblief erkenning van ontvangs en/of die skeurstrokie van omsendbriewe. Ons maak gebruik van Die D⁶ Kommunikeerder en versoek graag dat dit afgelaai sal word.

Skoolgelde: Gr RR tot Gr 7

• Betaal asseblief skoolgelde betyds om probleme te voorkom. Plaas die geld in ‘n koevert – die korrekte bedrag met u kind se naam en graad daarop. Die onderwyser kontroleer die geld saam met die leerders. U kan ook die geld direk by die finansiekantoor inbetaal.
• Tjeks moet uitgemaak word aan Laerskool Goudkop. Betaling van skoolgelde deur middel van die Internet word verkies – skakel Me Petro Roets vir die bankbesonderhede en verwysing.
• ‘n Debietorderstelsel is by die skool in werking. Vorms kan by Me Petro Roets afgehaal word.
• Betaalbaar voor die sewende van elke maand.
• Kwitansies word aan u uitgereik.
• Gereelde state sal aan u gestuur word.
• Enige navrae in verband met skoolgelde moet gemaak word by die finansiële beampte, Me Petro Roets.
• Onderwysers sal vir geen buiteskoolse aktiwiteite se gelde verantwoordelik wees nie.

Betaal asseblief persoonlik by die onderskeie aktiwiteite (enige vorm van privaatafrigting).

Skooltye

Die skool begin stiptelik om 07:30 in die oggend.
Gr RR tot Gr 3 (07:30 tot 13:00). Daar is ‘n wagklas tot 13:30 in dié betrokke klasse.
Gr 4 tot Gr 7 (07:30 tot 13:30).